لاہور :امریکی عالمی جریدے فوربز نے پنجاب کے ’’ستھرا پنجاب پروگرام‘‘ کو خطے میں شہری انتظام اور ویسٹ مینجمنٹ کا باعثِ تقلید ماڈل قرار دیتے ہوئے اپنی خصوصی رپورٹ میں وزیراعلیٰ مریم نواز اور ان کی ٹیم کی کارکردگی کو قابلِ تعریف قرار دیا ہے۔
معروف کالم نگار اور رائٹر پال کلین نے اپنی تحقیقاتی تحریر میں لکھا ہے کہ پنجاب حکومت نے بہت کم وقت میں صوبے کے سب سے بڑے شہری مسئلے کو ایک مضبوط عملی موقع میں تبدیل کر دکھایا۔ رپورٹ کے مطابق پروگرام کے تحت جدید مشینری، سمارٹ ٹیکنالوجی، نگرانی کے موثر نظام اور عوامی شراکت داری نے صفائی اور ویسٹ مینجمنٹ کے معیار میں نمایاں بہتری پیدا کی ہے۔
پال کلین نے لکھا کہ ستھرا پنجاب پروگرام انتظامی اصلاحات، رفتار اور شفافیت کے لحاظ سے جنوبی ایشیا میں ایک نیا بेंچ مارک قائم کر چکا ہے، جسے دیگر صوبے اور ممالک بھی ماڈل کے طور پر اپنا سکتے ہیں۔
وزیراعظم شہباز شریف کی جانب سے مبارکباد
فوربز میں شائع تحسینی رپورٹ کے بعد وزیراعظم شہباز شریف نے وزیراعلیٰ مریم نواز اور پوری ٹیم کو مبارکباد دیتے ہوئے کہا کہ یہ عالمی اعتراف پنجاب حکومت کی محنت اور جدید حکمتِ عملی کا ثبوت ہے۔ وزیراعظم کے مطابق ستھرا پنجاب پروگرام کا مؤثر نفاذ ملک میں شہروں کی ترقی کے لیے نئی راہیں کھول رہا ہے۔