میئر کراچی مرتضیٰ وہاب کی گورنر پنجاب سردار سلیم حیدر سے ملاقات

گورنر پنجاب سردار سلیم حیدر خان سے میئر کراچی مرتضیٰ وہاب نے ملاقات کی جس میں بین الصوبائی روابط کے فروغ اور سیاسی صورتحال پر تبادلہ خیال کیا گیا۔ 
اس موقع پر مرتضیٰ وہاب نے گورنر پنجاب کو پیپلز پارٹی کو پنجاب میں فعال کرنے پر خراجِ تحسین پیش کرتے ہوئے کہا کہ ان کے اقدامات سے پارٹی کارکنوں میں نیا جوش پیدا ہوا ہے۔ ملاقات میں دونوں صوبوں کی ترقیاتی کارکردگی پر اطمینان کا اظہار کیا گیا اور عوامی خدمت کے مشن کو مل کر آگے بڑھانے کے عزم کا اعادہ کیا گیا۔