پنجاب حکومت نے شہریوں کی سہولت کو مدنظر رکھتے ہوئے مقدمات کے اندراج اور ڈرائیونگ لائسنس بنانے کے لیے موبائل پولیس اسٹیشن اور لائسنس یونٹس متعارف کروانے کا فیصلہ کیا ہے۔
اس سہولت کے ذریعے شہریوں کو دفاتر کے چکر لگانے کی ضرورت نہیں ہوگی کیونکہ یہ موبائل یونٹس لاہور سمیت پورے پنجاب میں تعینات کی جائیں گی، جہاں مقدمات کے اندراج، پولیس سروسز اور ڈرائیونگ لائسنس کے اجرا کی خدمات فراہم کی جائیں گی۔
یہ اقدام کلینک آن ویل کی کامیابی کے بعد پنجاب حکومت کی جانب سے شہری سہولیات میں اضافے کا اہم قدم ہے، جس سے شہریوں کا وقت بچے گا اور سہولت میں اضافہ ہوگا۔