لاہور: پی ڈی ایم اے کے مطابق پنجاب کے دریاؤں میں سیلابی صورتحال کے باعث اب تک مجموعی طور پر 44 لاکھ 98 ہزار سے زائد افراد متاثر ہو چکے ہیں۔ خاص طور پر دریائے راوی کے سیلاب سے 1482 موضع جات شدید متاثر ہوئے ہیں۔
ایڈیشنل ڈائریکٹر جنرل پی ڈی ایم اے، جواد حیدر شاہ نے بتایا کہ صوبے میں سیلاب کے نتیجے میں ہونے والی تباہ کاریوں کے بعد متاثرین کی بحالی ہماری اولین ترجیح ہے۔ انہوں نے کہا کہ تمام متعلقہ ادارے متحرک ہیں اور صوبے کی مدد کے لیے تمام دستیاب وسائل بروئے کار لائے جا رہے ہیں۔
پی ڈی ایم اے نے عوام کو احتیاط برتنے اور حکومتی اقدامات پر مکمل تعاون کرنے کی اپیل کی ہے تاکہ متاثرین کی جلد از جلد مدد کی جا سکے۔