لاہور:لاہور کی سیشن کورٹ نے یوٹیوبر رجب بٹ کے خلاف مقدمہ درج کرنے کی درخواست پر تحریری فیصلہ سنایا ہے۔ ایڈیشنل سیشن جج شفقت شہباز راجہ نے نیشنل سائبر کرائم انویسٹی گیشن ایجنسی (NCCIA) کو متعلقہ قوانین کے مطابق فوری کارروائی کرنے کی ہدایت دی ہے۔
درخواست گزار شہری شہزادہ عدنان کی جانب سے دائر کی گئی تھی جس میں مؤقف تھا کہ رجب بٹ نے اپنے بیانات میں توہین مذہب کی ہے، تاہم NCCIA نے ابھی تک کوئی کارروائی نہیں کی تھی۔
عدالت نے درخواست کی قانونی حیثیت کا جائزہ لینے کے بعد سائبر کرائم ایجنسی کو معاملے کی مکمل تحقیق اور کارروائی کا حکم دیا ہے۔