وزیر اطلاعات پنجاب عظمیٰ بخاری نے کہا ہے کہ آدھا تیتر اور آدھا بٹیر کی سیاست کرنے والے سیاسی بونے ہیں، جن کا اوڑھنا بچھونا احتجاج، انتشار اور فساد ہے، اور ان سے عوامی ریلیف کی توقع نہیں رکھی جا سکتی۔
عظمیٰ بخاری نے مزید کہا کہ سیاست خدمت کا نام ہے، ہر مہینے سڑکوں پر سرکس لگانے کا نہیں۔ انہوں نے پنجاب حکومت کی کارکردگی کو گراؤنڈ سطح پر نظر آنے والا قرار دیا اور کہا کہ مریم نواز کی کارکردگی کا معیار ان کے منصوبوں کی شفافیت ہے۔
وزیر اطلاعات نے واضح کیا کہ پنجاب میں عوام کو علاج معالجے کی بہترین سہولیات فراہم کی جا رہی ہیں۔