لاہور میں فضائی آلودگی کی سطح شدت اختیار کر گئی ہے اور شہر آلودہ ترین شہروں کی فہرست میں پہلے نمبر پر آ گیا ہے۔ لاہور کا مجموعی ایئر کوالٹی انڈکس (AQI) 290 ریکارڈ کیا گیا، جو کہ انتہائی خطرناک زمرے میں آتا ہے۔
بھارتی شہر دہلی، جو عام طور پر آلودگی کے حوالے سے سب سے زیادہ خبروں میں رہتا ہے، اس وقت دوسرے نمبر پر ہے جہاں اے کیو آئی 219 ریکارڈ کیا گیا ہے۔ شہریوں کو اپنی صحت کا خاص خیال رکھنے اور غیر ضروری باہر نکلنے سے گریز کرنے کی ہدایت کی گئی ہے۔