لاہور : نیشنل سائبر کرائم انویسٹی گیشن ایجنسی (این سی سی آئی اے) نے معروف یوٹیوبر رجب بٹ کے خلاف جواء اور سٹے بازی والی ایپس کی تشہیر کرنے پر مقدمہ درج کر لیا ہے۔ رجب بٹ پر الزام ہے کہ انہوں نے سوشل میڈیا کے ذریعے عوام کو جواء کی ایپس میں سرمایہ کاری کے لیے راغب کیا، جس سے عوام کی محنت کی کمائی ضائع ہوئی۔
این سی سی آئی اے کے مطابق رجب بٹ ایک مشہور بیٹنگ ایپ کے برانڈ ایمبیسیڈر بھی رہے ہیں، اور انہیں متعدد بار نوٹس جاری کیے جانے کے باوجود پیش نہیں ہونا پڑا، جس کے بعد قانونی کارروائی عمل میں لائی گئی۔
اسی حوالے سے نیشنل انویسٹی گیشن ایجنسی نے انس علی اور ہریرا نامی دیگر دو یوٹیوبرز کے خلاف بھی مقدمات درج کیے ہیں جو جوئے کی تشہیر میں ملوث ہیں۔