"پاکستان خطے میں امن کا سفیر بن گیا":سپیکر پنجاب اسمبلی ملک محمد احمد خان کا وزیراعظم اورفیلڈ مارشل کو خراج تحسین

لاہور: سپیکر پنجاب اسمبلی ملک محمد احمد خان نے وزیراعظم پاکستان اور فیلڈ مارشل  کی قیادت کو زبردست خراج تحسین پیش کرتے ہوئے خطے میں تناؤ کم کرنے کے لیے ان کی کوششوں کو سراہا ہے۔
ملک محمد احمد خان نے اپنے بیان میں عالمی و علاقائی صورتحال پر گفتگو کرتے ہوئے کہا کہ پاکستان کی ہمیشہ سے یہ خواہش رہی ہے کہ مسائل کا حل گولی کے بجائے بات چیت سے نکالا جائے۔ ان کے خطاب کے اہم نکات درج ذیل ہیں۔ 
انہوں نے دعا کی کہ دنیا بھر میں جنگوں کے بجائے مذاکرات اور سفارت کاری (Diplomacy) کو فروغ ملے تاکہ انسانیت کو تباہی سے بچایا جا سکے۔سپیکر نے واضح کیا کہ پاکستان اس وقت بین الاقوامی سطح پر ایک ذمہ دار ریاست کے طور پر ابھرا ہے، جو بڑے ممالک کے درمیان پل کا کردار ادا کر رہا ہے۔
پاکستان کی خارجہ پالیسی کی کامیابی کا ذکر کرتے ہوئے سپیکر پنجاب اسمبلی نے کہا  پاکستان اس وقت ایران اور امریکہ کے درمیان بڑھتی ہوئی کشیدگی کو کم کرنے میں انتہائی اہم اور موثر کردار ادا کر رہا ہے۔ ہماری کوشش ہے کہ خطے میں استحکام رہے اور کوئی نیا محاذ نہ کھلے۔
انہوں نے مزید کہا کہ وزیراعظم اور عسکری قیادت کا ایک پیج پر ہونا ملک کے وقار میں اضافے کا باعث بنا ہے، جس کی بدولت عالمی برادری پاکستان کے امن پسندانہ موقف کو قدر کی نگاہ سے دیکھ رہی ہے۔