لاہور سے پھول نگر جانے والی وین کو المناک حادثہ، بجلی کے کھمبے سے ٹکرا گئی، 2 افراد جاں بحق

لاہور :لاہور سے پھول نگر جانے والی مسافر وین تیز رفتاری کے دوران بے قابو ہو کر بجلی کے کھمبے سے جا ٹکرائی۔ اس افسوسناک حادثے کے نتیجے میں 2 مسافر موقع پر ہی دم توڑ گئے جبکہ 8 افراد شدید زخمی ہوئے ہیں۔
ابتدائی اطلاعات کے مطابق، حادثہ گاڑی میں اچانک پیدا ہونے والے مکینیکل فالٹ کے باعث پیش آیا، جس کی وجہ سے ڈرائیور اسٹیئرنگ پر کنٹرول برقرار نہ رکھ سکا اور گاڑی سڑک کنارے نصب الیکٹرک پول سے ٹکرا گئی۔  حادثے میں 2 افراد جاں بحق ہوئے جن کی لاشیں ضروری قانونی کارروائی کے لیے قریبی اسپتال منتقل کر دی گئی ہیں۔ زخمی ہونے والے 8 افراد کو فوری طبی امداد کے لیے اسپتال پہنچایا گیا ہے، جہاں بعض کی حالت تشویشناک بتائی جاتی ہے۔
حادثے کی اطلاع ملتے ہی مقامی پولیس اور ریسکیو ٹیمیں موقع پر پہنچ گئیں۔ پولیس نے حادثے کا شکار ہونے والی گاڑی کو قبضے میں لے کر تحقیقات کا آغاز کر دیا ہے تاکہ حادثے کی اصل وجوہات کا تعین کیا جا سکے۔ بجلی کے کھمبے سے ٹکرانے کے باعث علاقے میں بجلی کی فراہمی بھی جزوی طور پر متاثر ہوئی ہے۔