ریلیف کی دوڑ میں پنجاب سب سے آگے: "مریم نواز کا مشن صرف عوامی خدمت ہے"، عظمیٰ بخاری

لاہور: پنجاب کی وزیر اطلاعات عظمیٰ بخاری نے کہا ہے کہ عوامی ریلیف فراہم کرنے کے معاملے میں صوبہ پنجاب نے ایک بار پھر تمام صوبوں کو پیچھے چھوڑ دیا ہے۔ انہوں نے زور دے کر کہا کہ وزیراعلیٰ مریم نواز کی سیاست کا محور صرف اور صرف غریب پرور پالیسیاں ہیں اور وہ عوام کو سہولت دے کر دلی سکون محسوس کرتی ہیں۔
 عظمیٰ بخاری کا کہنا تھا کہ "جب بھی عوام کو ریلیف دینے کی باری آئے گی، پنجاب ہمیشہ صفِ اول میں کھڑا ملے گا۔" انہوں نے دیگر صوبوں کے مقابلے میں پنجاب کے اقدامات کو زیادہ منظم اور مؤثر قرار دیا۔ صوبائی وزیر نے واضح کیا کہ وزیراعلیٰ نے مشکل معاشی حالات کے باوجود پنجاب کے عوام کو کبھی تنہا نہیں چھوڑا۔ ان کے مطابق، آٹے، چینی اور بجلی کی قیمتوں میں استحکام مریم نواز کی انتھک محنت کا نتیجہ ہے۔
عظمیٰ بخاری نے اپنے بیان میں کہا کہ مریم نواز عوام کی زندگیوں میں آسانیاں پیدا کرنے کے لیے دن رات کوشاں ہیں اور ان کا ہر قدم عوامی فلاح کی سمت میں اٹھ رہا ہے۔سیاسی مبصرین کے مطابق، پنجاب حکومت کی جانب سے حالیہ مہینوں میں کیے گئے اقدامات نے دیگر صوبائی حکومتوں پر بھی دباؤ بڑھا دیا ہے۔  پنجاب واحد صوبہ رہا جس نے اپنے بجٹ سے عوام کو بجلی کے بلوں میں براہِ راست ریلیف دیا۔
 صوبے بھر میں قیمتوں کو کنٹرول کرنے کے لیے "پرائس کنٹرول ہیکاتھون" اور سخت انتظامی چیکنگ متعارف کرائی گئی۔