موٹر سائیکل اور گاڑیوں کی ٹرانسفر فیس میں 10 فیصد اضافہ

لاہور: موٹر سائیکل اور مختلف گاڑیوں کی ٹرانسفر فیس میں 10 فیصد اضافہ کر دیا گیا ہے۔ ایکسائز حکام کا کہنا ہے کہ نئی فیسیں آج سے نافذ العمل ہیں۔

موٹر سائیکل کی ٹرانسفر فیس میں 55 روپے کا اضافہ کرتے ہوئے اسے 605 روپے کر دیا گیا ہے۔ 650 سے 1000 سی سی تک کی گاڑیوں کی فیس 275 روپے بڑھا کر 3025 روپے کر دی گئی ہے۔ 1000 سے 1800 سی سی تک کی گاڑیوں کی فیس میں 550 روپے کا اضافہ کیا گیا ہے، جس کے بعد یہ 6050 روپے ہو گئی ہے۔ 1800 سی سی سے زائد گاڑیوں کی ٹرانسفر فیس میں 1100 روپے کا اضافہ کیا گیا ہے اور نئی فیس 12100 روپے مقرر کی گئی ہے۔ ایچ ٹی وی گاڑیوں کی فیس میں بھی 550 روپے کا اضافہ کیا گیا ہے، جو اب 6050 روپے ہے۔

ایکسائز حکام نے شہریوں سے کہا ہے کہ وہ اپنی گاڑیوں کی ٹرانسفر کے لیے نئی فیسوں کو مدنظر رکھیں اور اسی کے مطابق اپنے عمل کو مکمل کریں۔