پاکستان میں زرعی انقلاب کی دستک: ہائبرڈ چاول کے نئے بیج سے فی ایکڑ پیداوار 140 من تک پہنچنے کا امکان

لاہور :پاکستان میں زراعت کے شعبے میں ایک بڑی اور تاریخی پیشرفت سامنے آئی ہے، جس سے نہ صرف ملک میں چاول کی پیداوار میں اضافہ ہوگا بلکہ برآمدات میں بھی اربوں ڈالر کا اضافہ متوقع ہے۔ پنجاب یونیورسٹی اور چین کی معروف وہان یونیورسٹی کے اشتراک سے تیار کردہ ہائبرڈ چاول کے بیج کی کمرشلائزیشن کا باقاعدہ معاہدہ طے پا گیا ہے۔
ماہرینِ زراعت کے مطابق، اس نئی ہائبرڈ ورائٹی کے استعمال سے چاول کی فی ایکڑ پیداوار 140 من تک پہنچنے کا قوی امکان ہے، جو کہ موجودہ اوسط پیداوار کے مقابلے میں ایک نمایاں سنگِ میل ہے۔
    پاک چین اشتراک: یہ بیج پنجاب یونیورسٹی اور وہان یونیورسٹی (چین) کی مشترکہ تحقیق کا نتیجہ ہے۔ بیج کو اب تجارتی بنیادوں پر کسانوں کے لیے دستیاب کیا جائے گا تاکہ بڑے پیمانے پر کاشت شروع ہو سکے۔ پیداوار بڑھنے سے پاکستان کی عالمی منڈی میں چاول کی برآمدات (Exports) کے حجم میں خاطر خواہ اضافہ ہوگا۔