پنجاب ریونیو اتھارٹی کی آگاہی مہم، لاہور، گوجرانوالہ اور ملتان میں ہوٹلز و ریسٹورنٹس کی چیکنگ

لاہور:لاہور، گوجرانوالہ، ملتان: پنجاب ریونیو اتھارٹی (پی آر اے) کی طرف سے آگاہی مہم کے تحت مختلف شہروں میں ہوٹلز اور ریسٹورنٹس کی چیکنگ کی گئی ہے۔ ترجمان پی آر اے کا کہنا ہے کہ انوائسز کی جانچ کے دوران سیلز ٹیکس انوائسز جاری نہ کرنے اور ای آئی ایم ایس (E-IMS) کا استعمال نہ کرنے پر متعدد ہوٹلز اور ریسٹورنٹس کو موقع پر جرمانے عائد کیے گئے۔

انہوں نے بتایا کہ ای آئی ایم ایس کی خلاف ورزی کرنے والوں کو وارننگ نوٹسز بھی جاری کیے گئے اور جرمانے بھی عائد کیے گئے ہیں تاکہ ٹیکس قوانین کی مکمل پاسداری کو یقینی بنایا جا سکے۔

اسی طرح، ملتان میں کمشنر پی آر اے کے دفتر میں شادی ہالز اور مارکیز ایسوسی ایشن کے ساتھ اجلاس منعقد ہوا، جس میں عہدیداران کو ای آئی ایم ایس (E-IMS) کے نفاذ اور باقاعدہ ٹیکس کی ادائیگی کے حوالے سے آگاہی دی گئی۔