سونا سستا ہونے کا سلسلہ جاری، فی تولہ قیمت میں مزید 2 ہزار روپے کی کمی

کراچی:ملک میں سونے کی قیمتوں میں کمی کا رجحان برقرار ہے۔ آل پاکستان جیمز اینڈ جیولرز ایسوسی ایشن کے مطابق جمعہ کے روز فی تولہ سونا 2 ہزار روپے سستا ہو کر 4 لاکھ 31 ہزار 862 روپے پر آ گیا۔

اسی طرح 10 گرام سونا کی قیمت بھی 1714 روپے کمی کے بعد 3 لاکھ 70 ہزار 252 روپے مقرر کی گئی ہے۔

ایسوسی ایشن کے مطابق عالمی مارکیٹ میں بھی سونا سستا ہوا ہے، جہاں فی اونس قیمت 20 ڈالر کمی کے بعد 4095 ڈالر ہو گئی۔

واضح رہے کہ گزشتہ روز بھی فی تولہ سونا 3500 روپے سستا ہو کر 4 لاکھ 33 ہزار 826 روپے کا ہو گیا تھا۔