Sun, October 26, 2025
لاہور: وزیراعلیٰ پنجاب مریم نواز نے صوبے کے فضائی منصوبے ایئر پنجاب کو جلد از جلد فنکشنل کرنے کا حکم دے دیا۔
مریم نواز نے ایئر پنجاب کے فیز ون کے لیے کارروائی جلد مکمل کرنے کی ہدایت کرتے ہوئے کہا کہ جدید اور آرام دہ طیارے لیز پر حاصل کیے جائیں تاکہ عوام کو معیاری سفری سہولتیں فراہم کی جا سکیں۔
وزیراعلیٰ پنجاب کی زیرِ صدارت ہونے والے اجلاس میں مری گلاس ٹرین پراجیکٹ کا بھی تفصیلی جائزہ لیا گیا۔مریم نواز نے مری گلاس ٹرین منصوبے کے لیے ممکنہ اقدامات جلد شروع کرنے کی ہدایت جاری کی۔
ذرائع کے مطابق، دونوں منصوبے سیاحت اور سفری سہولیات کے فروغ کے لیے حکومتِ پنجاب کے اہم اقدامات کا حصہ ہیں۔
Lahore Rang | Copyright © 2025
