جماعت نہم کے طلبہ کے لیے خوشخبری،طویل اور مشکل  نصاب سے جان چھوٹ گئی، سمارٹ سلیبس جاری

لاہور: پنجاب حکومت نے جماعت نہم کے طویل اور مشکل سلیبس کو آسان بنانے کے لیے سمارٹ سلیبس جاری کر دیا ہے۔ نئے سلیبس کے مطابق اردو کے چار اسباق اور انگلش کے تین یونٹ نکال دیے گئے ہیں، جبکہ اسلامیات کی کتاب سے پانچ احادیث اور سات موضوعات پر سوالات حذف کر دیے گئے ہیں۔

ریاضی کے سلیبس سے تقریباً 50 فیصد سوالات کم کیے گئے ہیں، فزکس کے 27 ٹاپکس، کیمسٹری کے دو مکمل یونٹ اور 15 ٹاپکس بھی حذف کر دیے گئے ہیں۔ بیالوجی کا ایک مکمل یونٹ، 22 ٹاپکس اور متعدد سوالات نکال دیے گئے، جبکہ کمپیوٹر سائنس کے 46 ٹاپکس بھی حذف کر دیے گئے ہیں۔

اب جماعت نہم کے سال 2026 کے امتحانات نئے سمارٹ سلیبس کے مطابق لیے جائیں گے، جس کا مقصد طلبہ کے لیے امتحانی بوجھ کم کرنا اور سیکھنے کے عمل کو آسان بنانا ہے۔