پنجاب فوڈ اتھارٹی کی کارروائی، 9 ہزار 720 لٹر آئل، 2 ہزار 200 کلو مردہ مرغیاں اور 500 لٹر ملاوٹی دودھ ضبط

لاہور: پنجاب کے مختلف علاقوں میں پنجاب فوڈ اتھارٹی کی چھاپوں اور کارروائیوں کے دوران 9 ہزار 720 لٹر آئل، 2 ہزار 200 کلو مردہ مرغیاں اور 500 لٹر ملاوٹی دودھ ضبط کیا گیا اور تلف کر دیا گیا۔

ذرائع کے مطابق، سپلائر گاڑی نمبر LES-3461 سے مردہ مرغیاں برآمد ہوئیں، جس پر مقدمہ درج کر کے گاڑی بھی ضبط کر لی گئی۔ اسی طرح، شاہ فرید سبزازار میں واقع ملک شاپ بند کر دی گئی اور ملاوٹی دودھ تلف کر دیا گیا جبکہ مقدمہ بھی درج کیا گیا۔

ڈی جی فوڈ اتھارٹی عاصم جاوید نے بتایا کہ فروخت کے لیے تیار دودھ کے موقع پر کیے گئے ٹیسٹ ناکام قرار پائے اور دودھ کا معیار پنجاب فوڈ اتھارٹی کے مقرر کردہ معیار کے مطابق نہیں تھا۔

انتظامیہ نے عوام کو خبردار کیا ہے کہ دودھ اور کھانے پینے کی اشیاء خریدتے وقت معیار پر دھیان دیں اور کسی بھی غیر معیاری یا مشکوک اشیاء کے بارے میں فوراً فوڈ اتھارٹی کو اطلاع دیں۔