لاہور کا موسم: باغوں کے شہر کا مطلع جزوی ابر آلود، سردی کی لہر برقرار

لاہور: باغوں کے شہر لاہور میں سردی اور بادلوں کی آنکھ مچولی کا سلسلہ جاری ہے۔ آج صبح سے ہی شہر کا مطلع جزوی طور پر ابر آلود ہے، جس کے باعث خنکی میں اضافہ محسوس کیا جا رہا ہے۔محکمہ موسمیات کے مطابق لاہور کا کم سے کم درجہ حرارت 7 ڈگری سینٹی گریڈ ریکارڈ کیا گیا ہے، جبکہ اس وقت شہر کا موجودہ درجہ حرارت 19 ڈگری سینٹی گریڈ ہے۔ ٹھنڈی ہواؤں کے چلنے سے سردی کی شدت برقرار ہے۔
لاہور کے باسیوں کے لیے اہم خبر یہ ہے کہ محکمہ موسمیات کی جانب سے آئندہ چوبیس گھنٹوں کے دوران بارش کی کوئی پیشگوئی نہیں کی گئی۔ مطلع ابر آلود رہنے کے باوجود بادل برسنے کے امکانات فی الحال کم ہیں۔