پنجاب کے کئی شہروں میں مون سون کی بارشوں کا ساتواں سپیل داخل

لاہور:لاہور سمیت پنجاب کے متعدد شہروں میں مون سون کی بارشوں کا ساتواں سپیل داخل ہو گیا ہے۔ صوبائی دارالحکومت لاہور کے مختلف علاقوں جیسے لکشمی چوک، گڑھی شاہو، مال روڈ، جیل روڈ، فیروز پور روڈ اور دیگر علاقوں میں صبح سے ہلکی رم جھم جاری ہے، جس سے موسم خوشگوار ہو گیا ہے۔

محکمہ موسمیات کا کہنا ہے کہ دن بھر وقفے وقفے سے بارش کا سلسلہ جاری رہے گا، جس میں کہیں ہلکی اور کہیں تیز بارش متوقع ہے۔ یہ بارشیں کل تک جاری رہنے کا امکان ہے، جس سے موسم میں مزید سکون اور راحت متوقع ہے۔