دوسری شادی نے زندگی کو نیا رخ دیا:آمنہ شیخ کا  نوجوان لڑکیوں کو اہم  پیغام

لاہور: پاکستانی ڈرامہ انڈسٹری کی معروف اداکارہ آمنہ شیخ نے اپنی پہلی شادی کے بعد زندگی کے نئے سفر کا آغاز دوسری شادی کے ذریعے کیا اور نوجوان لڑکیوں کو اہم پیغام دیا ہے۔

اداکارہ کے مطابق پہلی شادی پسند کی بنیاد پر ہوئی، لیکن ازدواجی زندگی زیادہ دیر برقرار نہ رہ سکی۔ طلاق کے بعد انہیں نہ صرف ذہنی دباؤ کا سامنا کرنا پڑا بلکہ بیٹی کی پرورش بھی تنہا کرنی پڑی۔

آمنہ شیخ نے اپنی دوسری شادی والدین کی رہنمائی سے کی، جس کے بعد زندگی میں استحکام، سکون اور عزت نصیب ہوئی۔ انہوں نے نوجوان لڑکیوں کو مشورہ دیا کہ محبت کے فیصلے جلد بازی میں نہ کریں، وقت لیں، شخص کو سمجھیں اور والدین کو اعتماد میں رکھیں۔

اداکارہ کے مطابق نئی ازدواجی زندگی نے انہیں زیادہ پُر اعتماد، متوازن اور مطمئن بنایا ہے، اور وہ چاہتی ہیں کہ دیگر خواتین بھی اپنی زندگی کے فیصلے سوچ سمجھ کر کریں۔