پنجاب میں چینی کی زائد قیمتوں پر سخت کریک ڈاؤن، ہزاروں دکانداروں کے خلاف کارروائیاں جاری

لاہور:وزیر اعلیٰ پنجاب کی ہدایت پر صوبے بھر میں چینی کی زائد قیمتوں پر فروخت کرنے والے دکانداروں کے خلاف سخت کارروائیاں کی جا رہی ہیں۔ گزشتہ 24 گھنٹوں میں مجموعی طور پر 2950 دکانداروں کے خلاف کارروائیاں کی گئیں جن میں 28 افراد کو گرفتار اور 182 کے خلاف مقدمات درج کیے گئے ہیں جبکہ 2740 افراد کو جرمانے بھی عائد کیے گئے ہیں۔

لاہور میں 92 دکانداروں کے خلاف کارروائی کی گئی، جن میں سے 7 کے خلاف مقدمات درج اور 3 کو گرفتار کیا گیا۔ اسی طرح سیالکوٹ میں 770، گوجرانوالہ میں 30 اور شیخوپورہ میں 103 افراد کے خلاف کارروائی ہوئی۔

رحیم یار خان میں 170، ڈیرہ غازی خان اور مظفر گڑھ میں 13، کوٹ ادو میں 9 اور میانوالی میں 114 دکانداروں کے خلاف بھی کارروائیاں کی گئی ہیں۔

لیہ میں 174، ملتان میں 15، بہاولنگر 23، بہاولپور 175، ساہیوال 28، اوکاڑہ 8 اور پاکپتن میں 13 افراد کے خلاف بھی کارروائیاں جاری ہیں۔

راولپنڈی میں 58، اٹک 22، جہلم 24، چکوال 20 اور مری میں 16 دکانداروں کے خلاف بھی کارروائیاں کی گئی ہیں۔

فیصل آباد میں 770، چنیوٹ میں 78، ٹوبہ ٹیک سنگھ میں 57 اور جھنگ میں 149 دکانداروں کے خلاف کارروائیاں کی گئی ہیں۔

کین کمشنر پنجاب نوید شہزاد مرزا نے بتایا کہ حکومت پنجاب کے جاری کردہ نوٹیفکیشن پر ہر صورت عملدرآمد کو یقینی بنایا جائے گا تاکہ عوام کو منصفانہ قیمت پر چینی دستیاب ہو سکے۔