اعظم کلاتھ مارکیٹ میں ساڑھے چار کروڑ کی نقب زنی، تین ملزمان گرفتار

لاہور: اعظم کلاتھ مارکیٹ میں ہونے والی ساڑھے چار کروڑ روپے کی بڑی نقب زنی کی واردات کو پولیس نے ٹریس کر لیا۔ واردات میں ملوث تینوں ملزمان کو گرفتار کر لیا گیا ہے۔

ترجمان پولیس کے مطابق، گینگ کے سرغنہ کو سمن آباد، دوسرے ملزم کو شیخوپورہ اور تیسرے کو مری سے گرفتار کیا گیا۔

کارروائی کے دوران ملزمان کے قبضے سے: 5 لاکھ روپے نقدی، 2 موٹر سائیکلیں، 7 موبائل فونز برآمد کیے گئے ہیں۔

پولیس کے مطابق، گرفتار ملزمان سے مزید تفتیش جاری ہے، اور امکان ہے کہ جلد مزید رقم اور شواہد بھی برآمد کیے جائیں گے۔